tomo mi li ma ko

poka pi nasin suli la, ma ko li lon. mi tawa weka nasin lon ma ko la, mi sona ala tan ni: nasin en ma ko li jo e pake ala e sinpin sitelen lili taso. weka mute la, sina lukin e nasin lili. nasin lili li jo e palisa pake li tawa ma lape pi ilo tawa. mi tawa ala ma ni. taso mi sona e ni: tenpo suli la, jan li pana e ilo tawa lon ma ko kin.

mi tawa weka nasin la mi pilin e ni: ma ko li lon a! kiwen lili en ko kipisi li lon. leko ma tomo li lon, li pakala, li jo e ko lon sewi. ko li toki e ni: sina lon weka tomo. ma tomo la, lukin li pake. ma ni la, mi lukin e kule supa tu. (walo pimeja kon pi tenpo poka pimeja en pimeja ma.) nasin wan li jo e suno tomo li toki e ni: ma tomo li awen lon a! kule ni li suwi. pilin noka toki e kiwen lili tawa mi. mi pilin sama ni: mi lon tomo pini mi.

mi jan lili la, tenpo esun ali la, mama mama mi en mi li tawa lon nasin ko sama ni. tenpo wan la, mama mama li toki e nimi cāxiá. kon pi nimi ni li tawa lon nasin lili. tenpo ante la, mama mama li toki e nimi tawa taso. mi pilin e ni: mi toki tawa kiwen jule tawa palisa kasi moli. mi jan lili la, mi sona ala e tenpo suli. ni la, mi pilin e ni: ma li jo e leko tomo la, tomo li pakala lon tenpo pini lili. jan o pali e tomo sin lon tenpo kama lili. taso, ma ni li ma ko taso. tenpo ni la, mi sona ala e ni: ma lon sona mi li ma seme. taso, jan li pali ala e tomo sin lon ma ike sama ni. pona la, jan li pali e sinpin lili. ike la, jan li pali ala.

mi lukin e jan pi pona lukin lon linluwi. tenpo lili la, mi lukin kin lon linluwi ala. mi sona e ni: ona en mi li lon ma ante. tawa ali ona en pali ali ona li pona lukin li sama ala jan mute. jan li toki pona tawa ona lon tenpo ona ali. mi ken ala sona e tenpo ona sama ni: mi sona ala e tenpo pi jan mun. taso, mi tawa lon ma ko la, mi pilin e ni: mi sona mute lili e ona. mi weka lili kin e pilin ike tawa ona. tan ni:

tomo ona li ma kule. tomo mi li ma ko.

lipu ante: ma esun moku

tenpo kipisi nanpa wan pi tenpo sike la, mi esun e pan Lijanpi lon ilo toki. mi wile kama jo e pan kepeken mi kepeken jan tawa ala. mi sona e ni: jan esun li pana e pan lon tenpo lili. ona li taso pana e pan e telo namako lon poki ante. ni la, ona li ken awen open lon tenpo pimeja. ni kin la, mi pilin pona e wile mi. taso, mi awen lili lon tomo seli. tenpo kipisi nanpa wan la, mi len e sijelo mi lon kon lete. mi pini lon tomo wan. ilo toki li toki e ni: tomo ni la esun li lon. taso, mi sona ala e ni: esun li lon seme. mi tawa sike lon poka nasin. mi kama sona e ni: nasin pi tawa suno la, lupa lili li lon. monsi lupa la, mi tawa ma nanpa tu. mi lukin e esun.

ma nanpa tu li ma esun moku, li nasin sike pimeja. sinpin nasin la lipu esun li jo e telo jelo. jan esun li pini ala e lupa lon tenpo pimeja. esun ki mi alasa li lon poka pi supa moku mute. ilo suno lili li open lon esun, li suno pimeja e supa moku. supa moku li majuna li sama jan pi wile lape. ona li wile e ni: jaki ona li weka. taso, ona li majula la, jaki li ken ala weka. palisa moku en poki telo li lape nasa lon supa moku ali. mi pilin e ni: tenpo lili pini la, jan mute li kama, li wile moku e ijo ali lon pini pi tenpo sike.

jan esun li lukin e ilo toki ona. ona li lukin li pilin nasa ala e ni: mi wile kama jo e pan kepeken mi. ona li lukin e nanpa esun li toki ala. nanpa esun li toki e ni: ni li esun ona nanpa tu tu lon tenpo sike sin. mi wile toki lili. mi wile toki pona anu toki ‘tenpo sike sin la o pona,’ taso mi jo ala e tenpo. jan tawa li kama, li len e sinpin ona, li awen ala sama ni. ona li kama jo e moku, li tawa weka. nasin tawa la, mi pilin e lete e suno pimeja. mi lukin e pake nasin pi sona mi. nasin la jan ala li lon.

mi lukin e kule lape Dreamcore lon linluwi la, sitelen ni li kama lawa mi.

mi sitelen e lipu ni la, jan wan li pilin e ni: mi pilin ike tawa esun ni. lon la, esun ni li jaki ala. nasin tomo li majuna lukin, taso nasin pi tomo majuna ali li majuna lukin. en la, mi pilin pona mute e esun lili e esun pi jan kasi tawa ma esun pi pona lukin pi jan mani. mi la, ma esun pi pona lukin la mi ken ala lon. jan epiku li taso lon. mi pilin ike la, esun tu li lon ma sama. jan li toki tawa mi lon tenpo ali: ‘sina pali pona la, sina lon esun ni. sina pali ike la, sina lon esun ni.’

lipu kin: tomo sona namako

pini pi tenpo sike pini la, mi lukin lili e tomo sona Wijen. tomo ni li tomo sona namako la, jan lili li kama sona lon ni lon tenpo pimeja anu tenpo suno pi pali ala. mi jan lili la, mi tawa ni mute. taso, mi wile ala kama sona. mi en jan pona li wile musi lon ni. mi mute li pali e ma powe. mi tawa tomo sona Wijen la, mi awen toki e ma powe.

jan Ten li pana sona e sona nanpa, li pali kin e pali namako. ona li sitelen e lipu pi tomo sona pi ilo Wisin. (mi sona e ni: jan Ten li ken sitelen e lipu musi. ona li sitelen e lipu toki e lipu kalama lon ilo QQ. taso, mi sona e ona la, ona li kama majuna li pini wile sitelen.) ona li toki e sona musi pi lipu toki tu tu pi ma Sonko lon tomo toki suli. jan esun ala li ken kute. ona li wile e ni: ona li pilin musi li wile esun lon tomo sona ona. taso, mi mute li wile taso musi e musi leko (leko pi leko lili pi kule luka wan) e musi lipu Sankuwosa. ona li pana e lipu lon tomo pali, li sitelen: mi mute o epiku! o monsut@ e jan ali! mi toki e jan Ten kepeken nimi lili ona. ni li ike, taso, jan sona ante li jo e nimi tomo sama. (toki ante la: jan Ten tu li lon.)

mi kama suli la, mi tawa lili lon nasin weka pi tomo sona Wijen. mi pilin e ni: tenpo li tawa mute. ken la, tomo sona Wijen li jo ala e mani li pini. tenpo suno ni la, mi sona e ni: tomo sona Wijen li awen open. taso, lipu esun li pakala lili. lipu lukin pi jaki COVID-19 li awen lon lupa suli. insa tomo li ike lukin kin. tenpo lete la, kiwen ma supa li ken ala jo e ko telo; taso, jan li kama li tawa li jaki e kiwen. tomo kipisi nanpa wan li kipisi lon sinpin lukin, li ike nena kin. (tomo li toki e ni: mi ‹Reception Room›. tomo wan taso li jo e nimi pi toki Sonko, li tomo pi jan kama. nimi pi tomo ante ali li lon toki Inli.)

tenpo pimeja la, jan pi poka majuna li tawa ali pi ma tu wan pi tomo sona. lawa ona li jaki. ona li len e len pimeja pi tenpo lete. mi pilin e ni: len ona li ken pakala sama kasi moli. ilo toki pi jan wan li pana e sitelen tawa, li kalama wawa. meli tu li toki suli e olin pi jan poka e tenpo sike pi jan lili.

tenpo pini la, mi lukin e ni: lipu sinpin pi kiwen ilo a li kipisi e tomo kipisi. ni la, jan li ken ante suli e insa tomo. tomo pali pi jan epiku li weka. tomo toki pi lipu toki tu tu li weka. tomo sona lili li taso lon. ni la, ma nanpa tu wan li ante suli tan sona mi. mi alasa e lukin sin lon tenpo lili. tenpo pini la, lipu sinpin li toki musi pi musi ala. tenpo ni la, lipu sinpin li toki: nasin SMART la mi pana sona. (mi la ni li nasa.) ijo tomo li sin ala li majuna ala. jan li pilin ala e sinpin pimeja la, sinpin pimeja li awen jo e sitelen. lipu pi jan lili tan tomo sona ona li lon kin.

jan sona li sona e tenpo pini kepeken toki ala. (tenpo pini la, kalama pini pi nasa mute li lon.) tenpo nanpa wan la, jan mije lili tu li tawa weka. ona tu li wile tawa weka nanpa wan. tomo kipisi ante la, jan sona li pake lon lupa tomo, li wile e ni: jan lili ali li toki e nimi ‘I you she he…’ kepeken sona ona. jan li pini toki la, ona li tawa weka. tenpo lili la, poki jaki tu li jo e seli pi moku suwi e kon ala. moku wan li ‘pakala la sina sama ni!’ mi la, jan lili li wile esun e moku ni tan nimi. jan meli lili li wile e ni: mama ona li pana e poki lili pi telo pimeja. mama ona li toki: ‘mi esun lon tenpo esun pini a!’

poka pi nasin leko la, len sinpin li pakala. pakala ni li supa. jan li tawa anpa lon nasin leko la, pakala li tawa sewi lon sewi lawa. mi jan lili la, tenpo tawa ali la, mi pilin e ni. tenpo ni la, mi jo sin e pilin ni.

tenpo pini li pona ala sama pilin. ma ni li ma mi ala. tomo sona la, jan li kama li tawa. ijo ala li awen. mi sona e ni: jan Ten li lon ala. ken la, ona li kama ala jan epiku. taso, ona li ken ala pali e pali lili lon tenpo sike luka luka.